DÄIBÄI METODOLOGIA

 

DÄIBÄI indoor skate parkean skatearen irakaskuntzari buruzko hainbat irizpide eta ildo jjarraitzen ditugu guretzat garrantzitsuak diren alderdiak lantzeko eta bermatzeko. Urteetako lan-esperientzia eta prestakuntzaren ondoren, gure lanaren helburuak zehaztu ditugu eta hausnarketa honen ondorioz gure lan-metodologia garatu dugu edozein maila eta gaitasun duten pertsonei kalitatezko zerbitzua eskaini ahal izateko.

Gure skate ikastaro eta saioetan zeharkako gaitasunak lantzen ditugu, hurrengo alderdiei lotutako ikaskuntzei garrantzi berezia emanez:

ADISKIDETASUNA

TALDE-LANA

INKLUSIOA

Gure ikastaro, klase eta jardueretan hurrengo metodologian oinarrituta:

Emozio positiboak bultzatzen ditugu.

Emozio negatiboak kudeatzen ditugu.

Parte-hartzaileen arteko interakzioa sustatzen dugu.

Harreman osasungarriak sustatzen ditugu.

Talde-laneko egoerak sortzen ditugu.

Skateboarding Ikasgaiak
SKATEBOARD ETA OSASUNA

 

Edozein jarduera fisikok bezala, Skateboardak inplikazio positiboak ditu praktikatzen duten pertsonen osasunean . Honako alderdi hauetan eragin zuzena du:

 

Picture of
SALUD FÍSICA

  • Erresistentzia aerobikoa
  • Indar muskularra
  • Malgutasuna
  • Oreka
  • Propiotzepzioa
  • Orientazioa
  • Erreflexuak

Picture of
GIZARTE OSASUNA

  • Belaunaldi arteko harremanak
  • Berdinen arteko harremanak
  • Aniztasunarekiko sentsibilizazioa
  • Garapen iraunkorrarekiko sentsibilizazioa

Picture of
OSASUN MENTALA

  • Emozio positiboak
  • Pertseberantzia
  • Autoezagutza
  • Autokonfidantza
  • Autodeterminazioa
  • Autonomiaren garapena
  • Arretaren lanketa

Gure skate eskolan saioak egitura hau jarraituz antolatzen dira:

1H - 1,5H
8 ikasle irakasle bakoitzeko
Saioaren lehenengo 15 minutuak psikomotrizitatea taldean lantzeko, gorputza berotzeko eta elkar agurtzeko erabiltzen ditugu. Bertan, skateboarding-arekin lotura estua duten mugimendu dinamikoak egiten dira, errepikapenaren eta imitazioaren bidez gaitasun fisikoak (oreka, erresistentzia, jauziaren potentzia, koordinazioa) lantzeko. Gainera, partaideen arteko elkarrekintza erraztea bilatzen dugu zirkulu-formatuaren bidez, non pentsamenduak eta ideiak partekatzeko aukera ematen zaien.
Babesen erabilpena landu beharreko ikaskuntza garrantzitsuenetako bat da. Horretarako, saio bakoitzak une berezi bat du, babesen zirkuitua deitzen duguna. Kasu honetan, ikasleek taldean jarraitzen dituzte belaunetakoak, ukondokoak eta kaskoa erabiltzeko ariketa dinamiko batzuk skateparkaren inguruan. Mugimendu horietara ohitzeak asko laguntzen du aurrerantzeko jauziak eta istripuak saihesten. Horrela, lesioen edo istripuen prebentzioa lantzen dugu.
Saioaren muina izanik, zati honetan 8 ikasleko talde txiki eta mailakatuetan banatzen dugu ikasle taldea, ahalik eta zerbitzu egoki eta pertsonalizatuena eskaini ahal izateko. Talde txiki horiek era koordinatuan mugitzen dira skateparkeko hainbat gunetan, saio bakoitzean ariketa desberdinak proba ditzaten.
Gure ikastaroetan zehar jolasak eta pertsona arteko dinamikak erabiltzen ditugu skateboardingean lehen urratsak modu bizigarri eta dibertigarrian ezagutzeko. Jolasak eskola-formatua pixka bat dibertigarriagoa egiten duelakoan, ikasleengan alderdi ludikoa sustatzea bilatzen dugu, honek emandako edukiak barneratzen laguntzen duen bitartean.
Saioaren azken minutuetan, jolas librerako une bat ematen diegu ikasleei. Uste dugu une hori ezinbestekoa dela, euren artean banako gisa harremandu daitezen eta euren nahiak gidatutako une bat izan dezaten